O Dépor afronta unha semana con seis adestramentos e tres amigables
O Deportivo aumenta aos poucos a esixencia da pretemporada. Así, na cuarta semana están previstos seis adestramentos en Abegondo e tres partidos amigables ante rivais de máis entidade: dous de Segunda B (Pontevedra o martes 25 en Pasarón e Racing de Ferrol o xoves 27 na Malata), e un equipo 'Champions', o Porto (o domingo 30 de xullo en O Dragão).
Como vén sendo habitual durante este verán, os días nos que hai partido pola tarde, o equipo terá comida no Hotel Tryp Coruña, ás 13:30 horas.
A planificación semanal, sempre susceptible de sufrir variación por razóns técnicas, é a seguinte:
Luns 24 de xullo 19:00: Adestramento en Abegondo
Martes 25 de xullo 10:00: Adestramento en Abegondo 20:00: Pontevedra - Deportivo, en Pasarón
Mércores 26 de xullo 10:30: Adestramento en Abegondo
Xoves 27 de xullo 10:00: Adestramento en Abegondo 20:00: Racing de Ferrol - Deportivo, na Malata
Venres 28 de xullo 10:30: Adestramento en Abegondo
Sábado 29 de xullo 10:00: Adestramento en Abegondo
Domingo 30 de xullo 19:30 (hora portuguesa, -20:30 en España-): FC Porto - Deportivo, en O Dragão