O Deportivo, incluído a meta fabrilista Pedro López, comezou a preparar esta mañá en Abegondo a visita ao Sporting de Gijón, prevista para este domingo 27 de xaneiro en El Molinón (18:00 horas, Movistar Partidazo).
A sesión foi esixente desde o punto de vista físico, cun quecemento, un circuíto de forza con finalizacións e fútbol en espazo reducido, de alta intensidade.
Estiveron á marxe do grupo Pedro Sánchez e Michael Krohn-Dehli. Pola súa banda, Fede Cartabia, Domingos Duarte e Carlos Fernández completaron a mañá con tarefas preventivas específicas. Os técnicos e os Servizos Médicos non queren ningún tipo de risco neste tramo da liga fronte a rivais directos.
Saúl protagonizou o único contratempo. Retirouse ao vestiario antes de finalizar cunhas molestias nos isquiotibiais da súa perna dereita, pendente de avaliación médica.
Mañá xoves 24 de xaneiro, o cadro está citada de novo en Abegondo ás 11:00 horas.
