O Dépor baixa o ritmo e céntrase no traballo táctico
José Luis Martí rebaixou esta mañá en Abegondo a intensidade física do adestramento do Deportivo, a 2 días de visitar El Sadar, campo do CA Osasuna (sábado 13 de abril, 18:00 horas, Movistar Partidazo).
Uns xogos no campo 3 serviron de quecemento ao cadro. A continuación houbo un exercicio táctico e de estratexia no campo 2, tamén con accións a balón parado.
Unha tarefa de finalizacións para os atacantes, incluídos lanzamentos desde o punto de penalti, puxo o punto e final ao traballo sobre o céspede.
Mañá venres, o equipo adestrarase en ABANCA-RIAZOR a porta pechada ás 10:00 horas.
Ao concluír, José Luis Martí dará a lista de convocados que acto seguido se desprazarán por estrada a Pamplona.