O Deportivo, co fabrilista Edu, comezou esta mañá a preparar a visita á Real Sociedad, prevista para este domingo 23 de abril ás 12:00 (Bein Sports).
Pepe Mel deseñou un adestramento con rondos, fútbol con tres porterías e, para concluír, un partido 9 para 9 no campo 3 da cidade deportiva.
Mosquera e Sidnei adestráronse á marxe do grupo, por descanso médico. Laure, con permiso, non estivo na cidade deportiva.
Mañá mércores, o equipo volve aos adestramentos ás 10:30 en Abegondo.
