Mañá luns 16 de novembro a partir das 13:00 horas, o Deportivo coñecerá ao seu rival na primeira eliminatoria da Copa do Rei. O sorteo celebrarase no Estadio La Cartuja de Sevilla.
O Dépor está encadrado no Grupo C con outros 46 equipos de Segunda División B e os 18 de Terceira División que ascenderon, segundo as bases de competición da Real Federación Española de Fútbol, organizadora da competición.
No sorteo da eliminatoria, que será a partido único o 16 de decembro, non se aplicarán criterios de proximidade xeográfica. O rival do conxunto de Fernando Vázquez será ou ben un dos 10 equipos de Segunda División que non fosen emparellados con equipos de Terceira ou os semifinalistas de Copa Federación; ou ben un de Segunda División B.
No caso de que ao Dépor tocáselle un equipo de Segunda, o partido xogarase en ABANCA-RIAZOR; se é un rival da mesma categoría, Segunda B, o encontro terá lugar no campo do equipo cuxa bóla fose extraída en primeiro lugar.
