O Dépor de LaLiga Genuine organizou xornadas de portas abertas
A Fundación Real Club Deportivo puxo en marcha as I Xornadas de portas abertas do equipo de LaLiga Genuine para que mozas e mozos de diferentes asociacións da cidade, xunto con algúns outros participantes que solicitaran previamente a experiencia ao Club, puidesen levar a cabo adestramentos co equipo branquiazul.
As xornadas, que terán continuidade no futuro, celebráronse os días 14 de decembro en horario de mañá e o 18 de decembro en horario de tarde.
O obxectivo fundamental desta actividade é a participación activa de novos futbolistas interesados en formar parte do equipo, ademais de achegar a actividade do Deportivo de LaLiga Genuine ao resto de usuarios das entidades colaboradoras.