Natxo González fixo especial fincapé esta mañá, no adestramento diario en Abegondo, en aspectos ofensivos co obxectivo de derrotar ao Elche CF este venres 12 de outubro en ABANCA-RIAZOR (Gol e LaLiga 1|2|3 TV), en partido correspondente á 9ª xornada en LaLiga 1|2|3.
Após pasar pola sala de vídeo e realizar un traballo de forza preventivo xa sobre o céspede, os futbolistas branquiazuis afinaron a puntaría nun circuíto físico con remates, realizaron un exercicio táctico de movementos ofensivos e, para concluír, repasaron accións a balón parado, fundamentalmente saques de esquina a favor e saques de banda en contra.
Mañá xoves, o cadro adestrarase de novo en Abegondo a partir das 11:00 horas.
