O Real Club Deportivo estrea, en vésperas de dous dos grandes partidos da temporada ante FC Barcelona e RC Celta, a nova imaxe do autobús do primeiro equipo. Mantendo un gran escudo do Club na súa parte traseira, o nome do equipo, DÉPOR, pasa a estar labrado nun cantil batido polas ondas do mar, sobre as insignias do tres patrocinadores principais do Club: Estrela Galicia, Abanca e Macron.
A unidade de Autocares Vázquez, estreada polo Dépor hai dous anos (o 20 de novembro de 2015, tamén en vésperas de O Noso Derbi), foi novamente rotulada por Mástil Noroeste Publicidad, "Amigo Dépor" e provedor do Real Club Deportivo.
Co tamaño dun autocar de dúas plantas, o Beulas Modelo Glory que mide 14,6 metros de longo e 4 de alto é, desde hoxe, o bus da Xente Mariñeira. Por iso, o Santuario da Virxe dá Barca en Muxía converteuse no inmellorable marco para mostrar ao mundo a nova imaxe do bus do Dépor.
