O Dépor pelexará co Pontevedra polo Luís Otero o 25 de xullo en Pasarón
A sétima cita de pretemporada para o Deportivo será un torneo clásico do fútbol estival, o Trofeo Luís Otero, que alcanza a súa 58 edición. O rival será o Pontevedra, de Segunda División B, este martes 25 de xullo ás 20:00 en Pasarón.
A directiva do Club granate fixou os seguintes prezos:
Tribuna: 16 euros (adulto, máis de 18 anos); 5 euros (xuvenil, de 14 a 18 anos) e 3 euros (infantil, de 7 a 13 anos).
Bancada de fondo: 8 euros (adulto), 5 euros (xuvenil) e 3 euros (infantil)
O Dépor inicia así unha nova semana de pretemporada con outro tres partidos amigables, no que sobe a esixencia dos rivais: ademais do Pontevedra, Racing de Ferrol (xoves 27 de xullo ás 20:00 horas) e Oporto (domingo 30 de xullo ás 20:30 horas, -19:30 en Portugal-).
O calendario de pretemporada é o seguinte:
13 de xullo: Racing Villalbés 0 - Deportivo 2 (Óscar Pinchi e Bruno Gama) 14 de xullo: Arosa 0 - Deportivo 7 (Óscar Pinchi, Aarón, Arribas -2-, Bruno Gama -2- e Borges) 15 de xullo: Silva 0 - Deportivo 5 (Óscar Pinchi, Andone, Pedro -2- e Celso Borges) 18 de xullo: Cerceda 0 - Deportivo 1 (Bicho) 20 de xullo: Somozas 1 - Deportivo 6 (Albentosa, Luisinho, Fede Valverde, Borges, Andone e Carles Gil) 22 de xullo: Bergantiños 1 - Deportivo 6 (Bruno Gama, Andone, Borja Valle, Arribas, Emre Çolak e Bakkali) 25 de xullo, 20:00 horas: Pontevedra - Deportivo (Pasarón, Pontevedra) 27 de xullo, 20:00 horas: Racing de Ferrol - Deportivo (A Malata, Ferrol) 30 de xullo, 20:30 horas -19:30 en Portugal-: FC Porto - Deportivo (O Dragão, Porto) 3 de agosto: Real Oviedo - Deportivo (Carlos Tartiere, Oviedo) 5 de agosto: Deportivo - West Bromwich Albion (Estadio ABANCA-RIAZOR) 12 de agosto: Tenerife - Deportivo (Los Cuartos, La Orotava)