Gaizka Garitano dividiu esta mañá o plantel en dous grupos. Así, Fernando Navarro, Kakuta, Marlos Moreno, Laure, Álex Bergantiños, Carles Gil, Arribas, Mosquera, Fayçal, Joselu e Olah John tiveron un adestramento normal, con roldo, posesión, circuíto de forza e un partido en espazo reducido.
Marlos Moreno, cunha escordadura no seu nocello esquerdo, retirouse ao vestiario antes que o resto de xogadores. Os Servizos Médicos agardarán á súa evolución nos próximos días.
Para Juanfran, Albentosa, Sidnei, Luisinho, Guilherme, Borges, Çolak, Bruno Gama e Andone houbo recuperación, con carreira continua, estiramentos, ximnasio e masaxe.
Davy Roef estivo cos fisioterapeutas. Adestrouse hoxe con Manu Sotelo, preparador de porteiros, ademais de Tyton e Lux, o porteiro do Xuvenil B Ricardo Benjamím, internacional nas categorías inferiores de Portugal.
Mañá luns haberá xornada de descanso. O equipo volve aos adestramentos o martes 21 de febreiro ás 11:00 en Abegondo.