O deportivismo arroupou a Sidnei e Luisinho na Smart Store de Orange na Coruña
Sidnei e Luisinho recibiron onte xoves pola tarde, nunha das tendas que Orange ten na Coruña, o agarimo dos afeccionados de cara a #ONOSODERBI deste domingo 19 de marzo en Riazor ante o Celta (18:30, Bein Sports).
Os dous futbolistas, quizais dous dos máis queridos pola bancada de Riazor, aproveitaron esta visita a unha das firmas patrocinadora oficial de LaLiga para asinar autógrafos a afeccionados de todas as idades, facerse fotos e fomentar o deportivismo nunha semana especialmente sinalada no calendario da temporada. #ONOSODERBI estivo presente en todo momento nas palabras dos afeccionados, que lembraron tanto a Sidnei como a Luisinho o especial que é para o deportivismo un triunfo este fin de semana.