Pepe Mel dividiu esta mañá ao seu cadro dispoñible, cos fabrilistas Óscar, Nacho Monsalve e Edu, en dous grupos.
Os futbolistas que actuaron de titulares ante o Real Madrid o pasado mércores realizaron só a primeira parte do adestramento: Juanfran, Luisinho, Arribas, Guilherme, Álex, Çolak e Andone. Tras un quecemento, uns rondos e estiramentos, acabaron no ximnasio e cos fisioterapeutas.
Para os demais, a sesión foi normal, con exercicios de posesión e finalizacións, e fútbol en espazo reducido.
Estiveron á marxe do grupo os futbolistas con problemas físicos: Lux, Carles Gil, Sidnei, Joselu e Pedro Mosquera.
Mañá sábado, o Deportivo adestrarase a partir das 10:30 en Abegondo.
