O Deportivo afronta o choque ante o Sevilla con todos os seus xogadores dispoñibles
O RC Deportivo afronta o encontro de mañá sábado 8 de abril (18:30, Bein Sports) no Estadio Sánchez Pizjuán ante o Sevilla con 20 futbolistas (entre eles 3 porteiros), con todos os seus xogadores dispoñibles.
Quedan na Coruña: Pedro Mosquera, sen alta médica; Fernando Navarro, lesionado nun sóleo; e Carles Gil, cunha sobrecarga na musculatura pélvica.
O adestramento desta mañá foi curto en duración, pero de alta intensidade. Tras un quecemento e uns rondos, houbo fútbol en espazo reducido. Unhas accións de remates a portería, desde diferentes posicións, puxeron o punto e final ao traballo sobre o céspede.
Os convocados viaxan a Sevilla esta tarde, segundo este plan de viaxe:
Venres 7 de abril 18:00: Saída do voo chárter do Aeroporto da Coruña con destino Sevilla 19:30: Chegada aproximada a Sevilla e aloxamento no Hotel Gran Meliá Colón
Sábado 8 de abril 18:30: Sevilla - Deportivo, no Ramón Sánchez Pizjuán 22:30: Saída do voo chárter de Sevilla con destino ao Aeroporto da Coruña
Domingo 9 de abril 00:00: Chegada aproximada ao Aeroporto da Coruña
Tras o partido no Sánchez Pizjuán, o equipo descansa o domingo 9 de abril, e regresa aos adestramentos o luns 10 ás 10:30 en Abegondo.