O Deportivo retomou esta tarde os adestramentos previos de cara á semana decisiva, coa visita do Zamora CF a ABANCA-RIAZOR prevista para este domingo 28 de marzo (12:00 horas, TVG), no último partido do subgrupo A de o grupo 1º de Segunda División B.
Na sesión vespertina de hoxe, a primeira da semana, un total de seis xogadores adestráronse á marxe: Mujaid, Derik, Celso Borges, Héctor, Lara e Bóveda, ademais do fabrilista Adri Castro, titular onte co Fabril ante a SD Fisterra. Este tres últimos futbolistas realizaron a primeira parte co grupo e logo tiveron tarefas específicas entre o céspede e o ximnasio.
O adestramento foi principalmente de activación, cun quecemento, rondos, unha tarefa de posesión e un partido para concluír no campo 3 do complexo branquiazul.
Ademais de Adri Castro, tamén participou no traballo do primeiro equipo a meta fabrilista Alberto.
Mañá martes, o Deportivo regresa ao céspede de Abegondo a partir das 10:30 horas.
