Óscar Gilsanz deu minutos a todos os seus xogadores no amigable de hoxe sábado 31 de xullo no campo 3 de Abegondo ante a SD Sofán, conxunto recentemente ascendido a Terceira RFEF.
O técnico fabrilista puido contar con Dani Barcia, Iván Guerrero e Brais, que se adestran asiduamente con Borja Jiménez e mesmo os dous primeiros tiveron minutos no amigable do Deportivo do pasado mércores en Vilalba.
Por contra causaron baixa Alberto, Juan Rodríguez, Yeremay, Trilli, Noel e Mella, convocados polo primeiro equipo para o partido en Viveiro; ademais de Guille Bueno e Manu Berrocal, lesionados.
O triunfo, que a estas alturas de verán é o de menos, foi fabrilista (4-1), grazas aos goles de Nájera -2-, Padín e Quique.
A próxima cita de pretemporada para o filial deportivista será o mércores 4 de agosto ás 19:00 h. en Abegondo ante o Silva SD.
O calendario de pretemporada do Fabril, que irá collendo forma nos próximos días, é o seguinte: