O Fabril rescata un punto nun partido que perdía aos 9 segundos de xogo
Resultado agridoce (2-2) para o Fabril en As Eiroas ante o Bergantiños. Os locais xa vencían no minuto 9 por 2-0, con dobrete de Rodri, cun primeiro tanto aos nove segundos de xogo.
Custoulle ao Fabril repoñerse destes dous duros golpes. Tras unha mala primeira metade, o filial deportivista logrou igualar na segunda parte, con tantos de Manu Molina e Borja Domingo.
Puido lograr os tres puntos se a falta de dez minutos para o final, Borja Galán acertase cunha pena máxima que o dianteiro branquiazul enviou ao pau da meta local.
Con este resultado, o Fabril é terceiro na táboa do grupo 1º de Terceira División con 39 puntos, a 6 puntos do líder, o Rápido de Bouzas, que suma 45 puntos.
Fabril: Álex Cobo, Blas, Quique Fornos, Arnau, Lucas, Edu, Carreón, Queijeiro, Jardel, Molina e Borja Galán. Tamén xogaron: Álex Corredera, Marcos Legaz e Borja Domingo.
O vindeiro domingo toca derbi coruñés ante o Silva, ás 12:15 no campo da Grela 1.