O Real Club Deportivo e Carmelo del Pozo finalizan a súa vinculación
O Real Club Deportivo decidiu rescindir o contrato que lle vinculaba co, até hoxe, director deportivo do Club, Carmelo del Pozo. O cambio de administradores e de política deportiva fan que se tomou a determinación deste cesamento.
O Real Club Deportivo quere agradecer a Carmelo del Pozo a súa profesionalidade e dedicación durante todo o tempo no que pertenceu ao Club como máximo responsable da parcela deportiva, desexándolle éxitos profesionais e persoais no futuro.
Pola súa banda, Carmelo del Pozo quere trasladar o seu "agradecemento ao Deportivo pola posibilidade ofrecida para desenvolver este proxecto nun gran Club". Así mesmo, desexa "agradecer o apoio e o traballo de xogadores, técnicos, persoal do Club, Conselleiros e Presidentes que lle acompañaron nesta etapa profesional e, sobre todo, dar as grazas á afección e desexarlle o maior dos éxitos a todo o deportivismo".