O Zaragoza fíxose coa vitoria na final de consolación do Trofeo Teresa Herrera e Cuartero recibiu o trofeo de mans de Esteban Lareo. Dous goles no primeiro tempo bastaron aos de Víctor Muñoz para facerse co partido.
Soriano e Savio foron os encargados de anotar para os zaragozistas nun partido entretido no que Sporting dispuxo de poucas ocasións de perigo. A afluencia do público foi escasa ao iniciarse o encontro, pero aos poucos as bancadas foron recibindo aos afeccionados que dan o aspecto típico das tardes de Teresa Herrera ao Estadio.