Unha representación do actual equipo do Real Club Deportivo visitará o xoves día 8 ás 19:00 o Museo do Deporte en Marineda City. Dani Giménez, David Simón, Carlos Fernández, Didier Moreno e Vicente Gómez, xunto co excapitán Manuel Pablo, coñecerán de primeira man a exposición antes de atender a todos os afeccionados que o desexen nun acto de fotos e firmas con todos os deportivistas que se acheguen á primeira planta de Marineda City.
O Museo do Deporte, aberto até o 20 de decembro, contén material histórico do deporte mundial e os deportivistas que queiran visitalo poden facelo pagando tan só 1 euro presentando, de luns a venres, o seu carné de abonado desta temporada. Un acceso libre durante toda a xornada do xoves para todos os visitantes que luzan unha camiseta do Dépor.
