Partido once para once nun adestramento de apenas unha hora de duración
O Deportivo, cos fabrilistas Nacho Monsalve e Edu, adestrouse esta mañá no campo 2 de Abegondo.
Nunha sesión de apenas unha hora de duración no céspede, Pepe Mel dispuxo dun partido once para once, a campo completo.
Pedro Mosquera, en fase de readaptación deportiva, é o único futbolista á marxe.
Todo o cadro está citado mañá mércores, día do partido ante o Real Madrid (21:30, Movistar Partidazo) para realizar un adestramento táctico en Riazor, a porta pechada. Dará comezo ás 11:30 horas.
Ao finalizar, o técnico deportivista facilitará a lista de convocados que se concentrarán para comer no Hotel Meliá María Pita.