Pepe Mel leva a 19 futbolistas ao partido de mañá domingo en Xixón
Pepe Mel citou a 19 xogadores (entre eles tres porteiros) para o encontro de mañá domingo 5 de marzo en Xixón ante o Sporting (12:00 horas, Bein Sports). Regresan Albentosa tras o seu partido de sanción e Ola John; e cáese Kakuta, que segue con molestias na ingua esquerda, pendente de evolución nos próximos días.
Un partido once para once, primeiro a campo completo e posteriormente en espazo reducido, foi o principal exercicio esta mañá no adestramento; co técnico parando continuamente o xogo para dar instrucións aos seus futbolistas.
Quedaron no vestiario Guilherme e Kakuta. Os fabrilistas Óscar, Nacho Monsalve e Lucas adestráronse ás ordes de Pepe Mel.
Os convocados viaxan esta mesma tarde por estrada a Xixón, segundo esta folla de ruta:
Sábado 4 de marzo 17:00: Saída do Estadio de Riazor 20:00: Chegada aproximada ao Hotel Silken
Domingo 5 de marzo 12:00: Sporting de Gijón - Deportivo, no Molinón Ao acabar, comida no Hotel Silken 16:00: Saída para A Coruña 19:00: Chegada aproximada á Coruña