O primeiro equipo, cos fabrilistas Edu Expósito e Álex Cobo, adestrouse esta mañá en Abegondo, nunha sesión na que Pepe Mel ultimou o plan cara ao partido de mañá domingo 24 de setembro no RCDE Stadium (12:00 horas, Bein LaLiga) ante o Espanyol, na 6ª xornada de LaLiga Santander.
O técnico deportivista dispuxo dun traballo de posesión, un partido táctico e, para concluír, repaso de accións de estratexia.
Ao finalizar, Pepe Mel citou para o encontro a 19 xogadores, incluído o meta Álex Cobo. Quedan fóra os lesionados Pedro Mosquera, Carles Gil, Adrián López e Rubén Martínez e o recentemente recuperado Zakaria Bakkali.
Os xogadores convocados viaxan esta tarde a Barcelona, segundo este plan de viaxe:
Sábado 23 Setembro
18:00: Saída do voo do Aeroporto da Coruña con destino ao Aeroporto de Barcelona
19:40: Chegada aproximada a Barcelona e traslado ao hotel NH Collection Tower
Domingo 24 de setembro
12:00: Espanyol - Deportivo, no RCDE Stadium
18:25: Saída do voo do Aeroporto de Barcelona
20:15: Chegada aproximada a Galicia
Tras o partido, o cadro está citado para un novo adestramento o luns 25 de setembro ás 10:30 horas en Abegondo.
