Este martes 1 de xuño tivo lugar a presentación do DéporCampus Cabreiroá de Ourense, que terá lugar nas instalacións do Campo Municipal de Oira, a primeira semana de xullo, entre os días 5 e 9. Será o cuarto ano consecutivo en que a capital ourensá acolla esta actividade organizada pola Fundación RC Deportivo.
O acto celebrouse na sala de prensa da propia instalación coa presenza de Camilo Puente Díaz, presidente do Ourense CF; Sergio Martínez, axudante de coordinación de fútbol 8 Ourense CF; Rubén Domínguez, coordinador local do DéporCampus; e Pablo Barros, director das actividades formativas da Fundación RC Deportivo.
A actividade está destinada a nenos e nenas desde os 6 aos 14 anos e terán un horario de 10:00 a 14:00 horas, aínda que os técnicos do RC Deportivo estarán nas instalacións desde as 9:30 recibindo aos participantes por quendas de chegada.
Os interesados poden consultar toda a información da sede de Maside e realizar o proceso de inscrición até o xoves día 24 de xuño nesta ligazón.
Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
