Rumbo aos 23.000 socios; mañá, último día para cambiar de localidade
O RC Deportivo alcanzou os 22.630 socios tras a última xornada das tres previstas para realizar cambios de localidade con cita previa. Mañá xoves será o último día para realizar esta operación, xa sen ser necesario pedir hora.
A Oficina de Atención ao Deportivista tramitou este mércores un total de 381 carnés. Deles, 17 corresponderon a renovacións a través de internet, para alcanzar o total de 22.630 abonados mencionados con anterioridade.
Reserva a túa cita se queres facerte novo socio do RC Deportivo.
-Socios: cambio de localidade sen cita previa, xoves 10 de agosto (horario continuo de 10:00 a 20:00 horas) -Novas altas: desde o venres 11 de agosto (horario continuo de 10:00 a 20:00 horas)
Co fin de minimizar a espera na Oficina de Atención ao Deportivista, os afeccionados teñen á súa disposición o servizo de cita previa. A través da páxina citaprevia.rcdeportivo.es, calquera deportivista pode asegurarse unha hora de atención para retirar o seu abono.
Igualmente, os afeccionados poden renovar ou darse de alta (isto último só de Socio Amigo ou Nen@ Dépor) na páxina abonos.rcdeportivo.es/gl ou por teléfono, mediante o servizo de ABANCA, no número 902 434 443.
As entradas para o partido da 1ª xornada de LaLiga Santander fronte ao Real Madrid unicamente venderanse nos despachos de billetes do Palacio dos Deportes, de luns a venres, en horario de 10:00 a 13:30 e de 16:30 a 19:00 horas. Tamén se poden mercar a través de internet na páxina entradas.abanca.com.
Para calquera dúbida ou problema, os afeccionados branquiazuis poden poñerse en contacto coa OAD en atencion.deportivista@rcdeportivo.esou no teléfono 981 259 500 extensión 1.