Semana longa para o Dépor ABANCA, con seis sesións previas á visita ao Valencia CF Femenino
O Deportivo ABANCA encara desde hoxe luns 18 de xaneiro unha semana longa de preparación para a seguinte cita ligueira, a visita ao Valencia CF Femenino, prevista para o domingo 24 de xaneiro ás 10:15 na Ciudad Deportiva de Paterna. O choque corresponde á 16ª xornada na Primera Iberdrola.
Manu Sánchez, técnico deportivista, dispuxo seis sesións de adestramento, inicialmente todas na Cidade Deportiva de Abegondo.
O técnico branquiazul conta con todo o cadro salvo unha futbolista, que está illada, tal e como establecen as autoridades sanitarias, por ser contacto estreito cunha persoa que deu positivo en COVID-19.
A planificación semanal, sempre susceptible de sufrir variación por razóns técnicas, é a seguinte:
Luns 18 de xaneiro 17:30 h
Martes 19 de xaneiro 17:30 h
Mércores 20 de xaneiro 17:30 h
Xoves 21 de xaneiro 17:30 h
Venres 22 de xaneiro 17:30 h
Sábado 23 de xaneiro 9:00 h
Domingo 24 de xaneiro Valencia CF Femenino - Deportivo ABANCA, na Ciudad Deportiva de Paterna