Sergio Bernárdez disputará con España sub-15 o Torneo Pinatar Arena en Murcia
O canteirán branquiazul Sergio Bernárdez volveu ser convocado pola selección española sub-15 nesta ocasión para o Torneo Pinatar Arena en San Pedro del Pinatar (Murcia), do 29 de xaneiro ao 4 de febreiro.
O futbolista coruñés acaba de conquistar con España a Sportchain AGS Cup, competición que se disputou na localidade alacantina de Alfaz del Pi o pasado mes de decembro.
O calendario da selección nesta competición, que se xoga nas instalacións de Pinatar Arena, é o seguinte:
Mércores 30 de xaneiro 14:00: ESPAÑA - REPÚBLICA DE IRLANDA
Venres 1 de febreiro 14:00: ESPAÑA - HUNGRÍA
Domingo 3 de febreiro 17:00: PAÍSES BAIXOS - ESPAÑA
Sergio Bernárdez milita esta temporada no San Tirso SD de División de Honra cadete, en virtude do convenio asinado por ambos os clubs.
Presenza habitual esta temporada en Las Rozas
Esta campaña, ademais de Sergio Bernárdez, foron citados os seguintes canteiráns deportivistas:
- Trilli (lateral dereito do Cadete A) e Hugo Novoa (extremo do Cadete A): Copa Aegean en Esmirna (Turquía)
- Mujaid (central do Fabril): Xogos do Mediterráneo coa sub-19
- Juan Rodríguez Lima (central do Xuvenil B) e Íker Piedra Blanco (porteiro do Xuvenil B): Adestramentos coa sub-17 e amigable ante Italia o primeiro deles
Por conseguinte, a factoría de Abegondo aos poucos vaise convertendo nun referente para os diferentes seleccionadores nacionais.