O canteirán branquiazul Sergio Bernárdez volveu ser convocado pola selección española sub-15 para uns adestramentos na Cidade do Fútbol de Las Rozas (Madrid), do luns 26 ao mércores 28 de novembro.
O mediocentro coruñés, que xa estivo citado do pasado 29 ao 31 de outubro, milita esta temporada no San Tirso SD de División de Honra cadete, en virtude do convenio asinado por ambos os clubs.
Sergio únese aos xuvenís Juan Rodríguez e Íker Piedra, convocados esas mesmas datas pero pola Selección Española sub-17.
