O adestramento de mañá martes 7 de marzo en Abegondo (11:00 horas) será definitivo para saber se Kakuta poderá estar a disposición de Pepe Mel para o partido deste mércores 8 de marzo en Riazor (18:45, Bein Sports) ante o Betis, pertencente á 21ª xornada de LaLiga Santander.
O atacante deportivista arrastra unhas molestias na ingua esquerda e os Servizos Médicos agardarán á súa evolución nas próximas horas.
Todos os demais futbolistas están aptos para o encontro, a falta do adestramento de mañá. A única baixa é Guilherme, que segue con tratamento médico e de fisioterapia.
Podes consultar aquí o estado físico do plantel deportivista:
