Sesión de recuperación para os titulares onte en Riazor
Os futbolistas titulares onte en Riazor baixaron esta mañá a intensidade do adestramento. Luisinho, Sidnei e Kakuta, ademais de Guilherme, nin chegaron a saltar ao céspede da cidade deportiva.
Para os que saíron de inicio ante o Atlético de Madrid houbo un quecemento co grupo e, xa no vestiario, estiramentos, ximnasio e masaxe.
Para o resto do plantel, incluídos os fabrilistas Óscar e Monsalve, o adestramento foi de alta intensidade, no campo 3.
Mañá sábado, o equipo adestrarase de novo en Abegondo, a partir das 11:00 horas. Será a última sesión previa ao partido deste domingo 5 de marzo no Molinón (12:00, Bein Sports) ante o Sporting de Gijón.