Após o anuncio a pasada semana do salto aos Estados Unidos, os Dépor Campus Cabreiroá 2019 continúan crecendo e pechando novas sedes, neste caso a primeira en Asia co "RC Deportivo Summer Camp" de Shanghái.
Do 6 de xullo ao 20 do mesmo mes, técnicos do Deportivo desprazaranse ao Pudong New District de China para dirixir esta actividade da man do Shanghái Lorry Sports.
Nenos e nenas de 6 a 14 anos terán a oportunidade de traballar, de 09:00 a 10:30 e de 17:00 a 18:30 h., os conceptos do fútbol a través do Método Dépor nas instalacións do 382 East Shendi Road Bomber Sports Center, que se aplica nas outras 15 sedes da actividade en Galicia, Cantabria, Estremadura, Suíza e Estados Unidos.
