- Foto: www.sefutbol.com -
Tere Abelleira, capitá do Deportivo Abanca, debutou hoxe martes 2 de maio coa Selección Española Sub-17 na Fase Final do Campionato de Europa da categoría, que se xoga na República Checa.
A centrocampista branquiazul foi titular e xogou completo o partido, pero non puido evitar a derrota das españolas ante a vixente campioa, Alemaña. As xermanas puxéronse por diante no marcador e sentenciaron á contra cando mellor estaba a xogar o combinado nacional.
O vindeiro venres 5 de maio, a Selección Española enfróntase á anfitrioa, a República Checa, nun partido no que non hai marxe de erro.
O calendario de España, cos resultados, é o seguinte:
Martes 2 de maio
ESPAÑA 1 - ALEMAÑA 4
Venres 5 de maio
11:00: REPÚBLICA CHECA - ESPAÑA (no Estadio Domazlice, en Domazlice)
Luns 8 de maio
14:00: FRANCIA - ESPAÑA (no Estadio Prestice, en Prestice)
Os dous primeiros de grupo pasan a semifinais, que se xogarán o 11 de maio.
O Deportivo Abanca continúa cos adestramentos
A pesar de finalizar onte a competición ligueira en Segunda División (grupo 1º) cun brilllante subcampeonato, o Deportivo Abanca continúa cos adestramentos.
Así, Manu Sánchez, técnico deportivista, planificou tres sesións esta semana:
Martes 3 de maio
20:30: Adestramento en Arteixo
Xoves 5 de maio
20:30: Adestramento en Abegondo
Venres 6 de maio
19:00: Adestramento en Abegondo
