Todos os dispoñibles, citados no Dépor para recibir mañá en ABANCA-RIAZOR ao Marino de Luanco
Rubén de la Barrera citó a todos os seus xogadores dispoñibles para recibir mañá domingo 4 de abril en ABANCA-RIAZOR (19:00 horas, TVG) ao Marino de Luanco, na primeira xornada do grupo 1D de Segunda División B.
No grupo está Héctor, que hoxe mesmo ao finalizar a sesión recibiu o visto e prace dos Servizos Médicos. Causan baixa Derik, lesionado; e Uche, sancionado por acumulación de amoestacións.
O conxunto branquiazul parte como líder do grupo con 29 puntos, seguido polo Racing de Ferrol con 27. Con 25 arrincan esta segunda parte da competición o CD Numancia, Compostela e UP Langreo.
Na sesión desta mañá, entre os campos 2 e 3 de Abegondo e coa presenza do xuvenil Dani Barcia, o técnico coruñés dispuxo varias tarefas tácticas; e fútbol en espazo reducido para concluír.
Finalizado o encontro, o cadro adestrarase de novo o luns 5 de abril ás 10:30 en Abegondo.