O Infantil, campión do subgrupo B norte da liga Galega, iniciou con triunfo pola mínima nas Eiroas (0-1) ante o Bergantiños CF a Segunda Fase de Ascenso á División de Honra e Título Galego, no seu grupo norte.
Un gol de Janusz na primeira parte valeu o tres puntos para os pupilos de Alberto Suárez.
Con este resultado, o Infantil suma 8 puntos á fronte do subgrupo.
Infantil: Joel, Guille, Yago, Íker Fernández, Janusz, Abel, Lucas, Frank, Leandro, Borja e Marcos. Tamén xogaron: Íker Casuso, Hugo, Mosquera e Xabi.
Ademais do Bergantiños CF, quinto no subgrupo A norte da primeira fase, os demais rivais do conxunto branquiazul serán os outros catro primeiros clasificados do citado subgrupo A: CD Conxo Santiago, Cidade de Ribeira CF, Bertamiráns FC e Victoria FC.
O formato será de liga a dobre volta. Ao concluír esta segunda fase, o oito primeiros ascenderán á recentemente creada División de Honra para a temporada 2022-23. A maiores, os dous primeiros xogarán as semifinais contra os dous primeiros do grupo sur, a partido único en casa do mellor clasificado. A final para decidir o campión da liga Galega será nunha sede que ditaminará a Federación.
A próxima semana, o Infantil recibe en Abegondo ao Victoria FC.
