O traballo táctico e de estratexia foron as tarefas principais do adestramento do Deportivo desta mañá en Abegondo.
Despois dun quecemento, o equipo púxose ás ordes de Natxo González para un exercicio táctico ofensivo.
A continuación, Alejandro Esteve tomou o mando para repasar accións de estratexia, nunha sesión de menos esixencia física, tal e como é habitual a 48 horas do partido ante o CD Numancia, deste sábado 8 de decembro en ABANCA-RIAZOR (13:00 horas, LaLiga 1|2|3 TV), correspondente á 17ª xornada.
Mañá venres, o Dépor adestrarase de novo en Abegondo ás 11:00 horas.
