Esta semana conclúe o primeiro mes de actividade na Escola RC Deportivo e farao co peche de actividades o mércores e o venres e a visita á Escola dos xogadores do Deportivo Michael Krohn-Dehli (mércores ás 19:00 h.) e Pedro Sánchez (venres ás 18:00 h.).
Os 30 nenos e nenas participantes porán punto final a este primeiro mes e todos eles coa satisfacción de repetir ao longo de febreiro. Aqueles xogadores de 6 a 12 anos que queiran sumarse a esta actividade da Fundación Real Club Deportivo poden facelo informándose e inscribíndose en www.rcdeportivo.es/escola.
