Para unha atención máis áxil dos miles de Deportivistas que renovaron ou deron de alta o seu abono vía online, desde o pasado xoves 24 e até o vindeiro xoves 8 de outubro, os carnés están dispoñibles unicamente nos Despachos de billetes do Palacio dos Deportes de Riazor.
O Real Club Deportivo recomenda a todos os seus socios que aproveiten estes catro últimos días nesa localización para poder ter o seu carné e facer uso do mesmo no inminente comezo da temporada.
O horario de atención neste punto será, de luns a xoves, de 10 a 14 e de 16 a 20 h.
A partir do venres os carnés non retirados poderán recollerse na DéporTienda de ABANCA-RIAZOR no seu horario comercial habitual, de luns a sábado de 10:00 a 20:30 h.
