Un exercicio táctico de defensa-ataque e un partido 11 contra 11 no campo 2 foron as tarefas do Dépor esta mañá en Abegondo.
Luis César prepara ao equipo para visitar un dos campos máis complicados da categoría, El Toralín; ante unha SD Ponferradina moi intensa ante a súa afección.
A sesión concluíu con ensaio de accións a balón parado defensivas, especialmente saques de esquina; e un exercicio de remates a portería, especialmente para centrocampistas e dianteiros.
A mala noticia da mañá protagonizouna Gaku, que se retirou con molestias nos isquiotibiais da súa perna esquerda, pendente de probas médicas nas próximas horas.
Adestráronse tamén á marxe do grupo David Simón, Borja Valle e Christian Santos, este unha parte, a primeira, co grupo e a outra co readaptador Fran Molano.
Hoxe, o técnico deportivista contou cos fabrilistas Mujaid, Gandoy, Valín e Boian.
Mañá xoves, os futbolistas están citados na Cidade Deportiva ás 9:30 para saltar ao céspede ás 11:00 horas.
