Un partido 11 contra 11 de 40 minutos de duración e un exercicio táctico previo no campo 2 foron as tarefas principais do Deportivo en Abegondo, esta mañá ademais cos fabrilistas Arturo Segado e Ignacio Abeledo.
Natxo González prepara pois o plan para tentar este domingo (18:00 horas, Movistar Partidazo) asaltar un dos campos máis complicados de LaLiga 1|2|3, o Estadio Nuevo Los Cármenes de Granada.
Antes, o cadro deportivista reuniuse na sala de vídeo por espazo de 30 minutos e, acto seguido, arrincou o traballo no céspede cun quecemento e uns rondos.
Están á marxe do grupo Krohn-Dehli, Carlos Fernández, Pedro Sánchez e Vicente Gómez.
Mañá venres, o Dépor traballará de novo en Abegondo a partir das 11:00 horas.
