Natxo González dispuxo esta mañá un partido 11 contra 11 a todo o campo 2 da Cidade Deportiva como ensaio xeral para o partido deste domingo 2 de decembro nel Cerro do Espino (12:00 horas, LaLiga 1|2|3 TV) ante o Rayo Majadahonda.
Como é habitual, o técnico deportivista impartiu constantes instrucións aos seus futbolistas e corrixiu continuamente movementos e accións; como foi o caso de lanzamento de faltas ou saques de esquina.
Estiveron á marxe do grupo Pedro Sánchez, David Simón e Fede Cartabia, este cun adestramento específico no ximnasio de Abegondo, baixo a supervisión dos fisioterapeutas.
Hoxe adestráronse co primeiro equipo os fabrilistas Álex Cobo e Víctor; e Dubarbier completou toda a sesión por primeira vez trala súa lesión.
A mañá arrancou cunha sesión de vídeo e, xa no céspede, un quecemento dirixido polo preparador físico, Julio Hernando.
Mañá venres, o cadro está citado de novo ás 11:00 horas en Abegondo.
