Vicente Gómez manifestou esta mañá na sala de prensa de Abegondo, de cara ao choque deste luns 24 de setembro no ABANCA-RIAZOR (21:00 horas, Gol e LaLiga 1|2|3 TV) ante o Granada, que "somos nós os que temos que dar un paso adiante e volver enganchar á xente como o día do Sporting".
Do conxunto andaluz, afirma que é un "claro aspirante ao ascenso. Este ano hai demasiada xente que opta a esas dúas prazas de ascenso directo e ás de play off. Imos ver moitos partidos deste tipo".
Asegura que en casa "imos tentar ser protagonistas co balón, tentar crear máis ocasións. Un pouco por aí non estamos contentos do todo. Non estamos a crear as ocasións que temos que facer, cos xogadores que temos arriba. Pero non nos imos a volver tolos. Sabemos que mellorando unha serie de problemas, que temos identificados, seguramente imos crear moitísimas máis ocasións de gol. E coa pegada que temos arriba, estou seguro que imos transformalas".
Do choque en Alcorcón do pasado sábado, opina que "empezamos ben o partido. É certo que logo nos foi superando. Non fomos capaces de sacudirnos ese dominio que tiñan eles sobre todo en presión após perda. Tampouco toleo no contexto de como foi a situación".
Pide neste arranque "un pouco de paciencia porque non hai que esquecer que fomos numerosas as altas. E que nos sirva para aprender, porque partidos como este tipo imos ter varios en Segunda, xogando a domicilio".
Lembra o centrocampista canario que "só xogamos un en casa. Houbo moitos cambios no equipo, moitas altas. O adestrador ten un sistema diferente. Dentro do contexto e de por exemplo o partido de Tenerife, que perdemos 2 puntos, foi un arranque bo, nin negativo nin excelente. Normal. Esperemos que este tempo que nos está custando un pouco axustarnos sirva para ir xerando unha serie de automatismos que quizais nos están faltando un pouco; e que este tipo de partidos (en referencia ao de Alcorcón) sirvan para aprender e para crecer".
A nivel persoal, di atoparse "moi contento, moi ben. O cambio veume xenial. Só dedícome a xogar ao fútbol. Non teño ningunha preocupación, non sei o que di a xente, non coñezo a contorna. Vénme espectacular. Só penso en divertirme dentro da responsabilidade de saír ao campo. Estou moi a gusto, a xente recibiume moi ben, os compañeiros".
Non está de acordo en que sofre cando co sistema de Natxo González tócalle atrasar a súa posición: "A verdade é que non. Pola forma que temos de xogar, sempre sendo protagonistas co balón, toco moito máis a pelota. Se o míster cre conveniente que debo xogar aí, voume a adaptar moi ben. No Las Palmas xoguei bastantes veces aí, nun sistema un pouco parecido. Atópome igual de cómodo aí que máis adiante".
Precisamente ve o novo sistema "moi ben. Atópome moi cómodo nesa situación. Máis aló de rombo, é unha cuestión máis global. Non tanto de sistema, senón dos xogadores. Faltan aínda eses automatismos. Pero é normal. Moita xente non coincidimos case nada. Estamos a empezar a coñecernos en moitas das situacións de xogo. Tampouco hai que volverse tolo co sistema. Ao final quen interpreta o sistema son os xogadores, e por aí estou convencido que a nada que sexamos capaces de controlar unha serie de automatismos imos dar unha boa medida".
Sostén que "en todos os partidos tivemos intres de bo xogo, de bo fútbol, pero non fomos capaces de prolongalo. A nada que sexamos capaces, imos ter mellores sensacións e mellores resultados".
Queda co agarimo do deportivismo: "A miña sensación é que a xente sempre está co equipo. Moitas veces vin a xogar aquí, gañei con claridade e nunca vin á xente en contra do equipo. É normal que haxa comentarios negativos cando fas un partido como o do outro día que non che saen as cousas, non tes nin sequera opcións para puntuar. Entendo que aquí a xente é moi fiel, está co equipo, sabe que estamos nun momento que necesitamos diso. Ao final estámonos todos axustando".
Apunta que se lle fixo "un pouco estraño" o primeiro día, coas obras, "pero logo non te dás conta. A xente o día do Sporting viviu o partido a tope connosco. Parecía que tiñamos un xogador máis. Teño unhas ganas tremendas de xogar con ABANCA-RIAZOR a favor, e con todo o estadio cheo. Creo que en poucas semanas poderá ser. A partir de aí con esa ilusión que hai que ir espertando, pois o equipo vai ir gañando en confianza".
