O Benxamín B participa desde hoxe xoves 21 de xuño na Barrinha International Cup 2018, competición organizada polo Sporting Clube Esmoriz no Estadio da Barrinha de Esmoriz (Portugal). O obxectivo branquiazul é revalidar o título logrado en 2017 ante as mellores canteiras lusas.
O conxunto deportivista quedou nesta edición encadrado no grupo B da súa categoría, co CF Os Belenenses, Anadia FC, União FCI Tomar, CD Paços de Brandão e CG Paramos.
A competición arrancou esta noite con dous triunfos para os benxamíns deportivistas.
O calendario de partidos da Primeira Fase, sempre en horario luso (unha hora máis en España), cos resultados dos xa xogados, é o seguinte:
Xoves 21 de xuño
CF OS BELENENSES 0 - BENXAMÍN B 1 (Ronquete)
BENXAMÍN B 11 (Caaveiro -2-, Ioan -2-, Trigo -2-, Paulo -3-, Mauro e Ronquete) - UNIÃO FCI TOMAR 0
Venres 22 de xuño
19:40: BENXAMÍN B - CG PARAMOS (campo sintético 2)
21:00: BENXAMÍN B - ANADIA FC (campo natural 1)
Sábado 23 de xuño
12:20: BENXAMÍN B - CD PAÇOS DE BRANDÃO (campo sintético 1)
O primeiro e o cuarto clasificado de grupo pasan directamente a cuartos de final; mentres que os demais equipos terán que xogar oitavos de final, o mesmo sábado 23 de xuño a partir das 19:40.
Os cuartos de final arrancarán o domingo 24 ás 11:30 horas.
O Benxamín A examina as súas forzas no Torneo Clae Cidade de Vilagarcía
O Benxamín A, na recta final da súa temporada, examina esta fin de semana as súas forzas con motivo da 7ª edición do Torneo Clae Viajes Cidade de Vilagarcía, competición que se desenvolve no campo Manuel Jiménez de Vilagarcía de Arousa.
Na Primeira Fase, o cadro que dirixe Pablo Barros e actual campión galego, quedou encadrado no grupo F, co Antiguoko Kirol Elkartea, CD Laguna, CD Covadonga, Atlético Perines e CDA Navalcarnero.
O calendario da Primeira Fase é o seguinte:
Sábado 23 de xuño
10:45: BENXAMÍN A - CD LAGUNA (campo 1)
17:40: BENXAMÍN A - CD COVADONGA (campo 2)
19:45: BENXAMÍN A - ATLÉTICO PERINES (campo 1)
21:50: BENXAMÍN A - CDA NAVALCARNERO (campo 1)
Domingo 24 de xuño
9:00: BENXAMÍN A - ANTIGUOKO KIROL ELKARTEA (campo 2)
Os dous primeiros de grupo pasan a oitavos de final, que arrincan ás 10:30 horas.
O Alevín A pelexará pola 12ª edición do Torneo Talleres Castiñeira
O Alevín A parte como un dos favoritos á medalla de ouro da 12ª edición do Torneo Talleres Castiñeira, cuxa Fase Final se xoga este domingo 24 de xuño no campo vigués do Vao, organizado polo Coruxo FC.
O conxunto branquiazul quedou encadrado na primeira parte da competición no grupo C, co Rápido de Bouzas, ED Val Miñor e Independiente CF.
O calendario de partidos do Alevín A é o seguinte:
Primeira Fase
11:30: ED VAL MIÑOR - ALEVÍN A (campo 1)
13:00: ALEVÍN A - INDEPENDIENTE (campo 2)
16:00: ALEVÍN A - RÁPIDO DE BOUZAS (campo 2)
Os dous primeiros de grupo acceden a cuartos de final, que comezan ás 17:15; mentres que os outros dous equipos xogarán unha Fase de Consolación, esta a partir das 18:15 horas.
O Infantil A coñece mañá os seus rivais na Levante Cup
O Infantil A, subcampión galego, competirá na Levante Cup 2018, un torneo de fútbol 11 que se disputa en Almería, en catro sedes (Garrucha, Mojácar, Turre e Vera), de mañá venres 22 ao domingo 24 de xuño.
O sorteo do calendario de competición será mañá venres, no transcurso do acto de presentación dos participantes. Haberá unha Primeira Fase que se xoga baixo o sistema de liguiña. A continuación, os dous primeiros de grupo pasan á Fase polo Título e os dous seguintes, a unha Fase de Consolación.
