Dous equipos representarán ao RC Deportivo na Marosa Cup 2018, que se xoga este sábado 29 de setembro en Burela: Alevín A e Benxamín A.
Os primeiros rivais do Alevín A serán o Viveiro A, Sarriana A, Milagrosa e Santiago de Foz A. Pola súa banda, o Benxamín A medirase á SD Ribadeo A e SCD Milagrosa A.
Desta forma, péchase o calendario de amigables desta semana para #ANOSACANTEIRA, que abriu hoxe o Alevín B con triunfo sobre o Galicia Caranza A (6-3), con tantos de Anxo -2-, Éder, Íker, Xabi e Balbas.
Tamén teñen confirmada cita amigable esta semana o Xuvenil A e Benxamín B. O primeiro en forma de partido amigable en Abegondo este xoves (17:00) fronte ao Bergantiños de Terceira División, con entrada gratuíta para os afeccionados; e o segundo, con motivo da VII edición do Memorial Manolo Carrera, organizado pola Escola de Fútbol do CD Velle.
Neste torneo que se xogará o sábado 29 de setembro, o Benxamín B quedou encadrado no grupo C, co Ourense CF, ED Barbadás e Xuventude de Oroso.
O calendario de partidos, cos resultados dos xa xogados, é o seguinte:
Categoría xuvenil
XUVENIL A - BERGANTIÑOS (Terceira División), o xoves 27 de setembro ás 17:00 en Abegondo (campo 6)
Categoría alevín
IV Marosa Cup 2018 en Burela
Sábado 29 de setembro
Primeira Fase
11:00: ALEVÍN A - SD VIVEIRO A (campo 1)
13:30: ALEVÍN A - SARRIANA A (campo 1)
15:30: ALEVÍN A - SCD MILAGROSA A (campo 1)
17:00: SANTIAGO DE FOZ A - ALEVÍN A (campo 2)
Os dous primeiros clasificados do grupo xogan as semifinais, que se inician ás 18:30 horas
Xogado hoxe martes: ALEVÍN B 6 (Anxo -2-, Éder, Íker, Xabi e Balbas) - GALICIA CARANZA A 3
Categoría benxamín
IV Torneo Marosa Cup 2018 en Burela
Sábado 29 de setembro
Primeira Fase
12:30: BENXAMÍN A - SD RIBADEO A (campo 1)
14:30: SCD MILAGROSA A - BENXAMÍN A (campo 1)
Os dous primeiros de grupo acceden a cuartos de final, que se inician ás 17:30 horas.
VII Memorial Manolo Carrera no campo Monte da Aira de Velle (Ourense)
Sábado 29 de setembro
Primeira Fase
10:00: XUVENTUDE DE OROSO - BENXAMÍN B
11:40: BENXAMÍN B - OURENSE CF
13:40: ED BARBADÁS - BENXAMÍN B
Os dous primeiros clasificados acceden á Fase Final, que por eliminatoria desde cuartos de final arranca ás 16:30. Pola súa banda, os outros dous conxuntos xogan unha Fase de Consolación, que por eliminatoria tamén a partir de cuartos de final, comeza ás 16:00 horas.
