O martes día 30 a Copa en Carballino e o sábado día 3, anticipándose á data oficial do día 4, primeira xornada de Liga en Xerez.
O persoal apenas traballou onte debido ao partido ante os xixoneses, limitándose a unha distendida e osixenada sesión física na Zapateira, para volver hoxe á actividade normal, con dobre adestramento de mañá e tarde, ao obxecto de ir perfilando Arsenio Igrexas o equipo basee co que contará para estes dous encontros iniciais da tempada 88-89.
Mentres que o mozo valenciano Santillana parece non convencer aos técnicos branquiazuis, polo menos en canto ás necesidades do equipo, o portugués Bastos Lópes se encheu o ollo ao primeiro adestrador, á directiva e a boa parte da afección, polo que xa están en marcha as conversacións para a súa posible contratación polo primeiro club coruñés, a condición de que non se suba á parra nas súas pretensións.
