Catro equipos de #ANOSACANTEIRA teñen actividade esta semana, a última antes das vacacións do Nadal. Tres deses partidos serán mañá venres.
En categoría feminina, o Deportivo ABANCA B xoga ante o Milagrosa o encontro aprazado o pasado 10 de decembro polo temporal, pertencente á xornada 14ª na Primeira Autonómica Feminina.
O Xuvenil B ten dobre compromiso: de liga mañá venres 22, en partido da xornada 17ª adiantado ao 7 de xaneiro; e amigable, o Memorial Javier Nieto, este sábado 23 na Torre. Tamén amigable é o partido de mañá do Cadete B ante o Maravillas na Grela 2.
Esta mini xornada púxoa en marcha onte mércores 20 de decembro o Alevín A, co partido de ida de oitavos de final da Segunda Fase Comarcal. Gañou o Dépor (0-5).
O calendario de partidos, cos resultados dos partidos xa xogados, é o seguinte:
Categoría feminina
14ª xornada: DEPORTIVO ABANCA B - MILAGROSA, o venres 22 de decembro ás 19:00 en Abegondo (campo de herba artificial)
Clasificación da Primeira Autonómica Feminina: 1. Valladares, 39 puntos; 2. Atlético Arousana, 37 puntos; 3. Deportivo ABANCA B, 29 puntos; 4. Viajes InterRías FF, 27 puntos; 5. Umia, 26 puntos...
Categoría xuvenil
17ª xornada: XUVENIL B - LÉREZ, o venres 22 de decembro ás 16:30 en Abegondo (campo 4)
Clasificación da liga Nacional: 1. Celta B, 38 puntos; 2. Victoria, 37 puntos; 3. Ural, 36 puntos; 4. Xuvenil B, 30 puntos; 5. Racing de Ferrol, 28 puntos...
Memorial Javier Nieto: XUVENIL B - COMBINADO COMPAÑÍA DE MARÍA - SANTA MARÍA DEL MAR, o sábado 23 de decembro ás 10:00 na Torre
Categoría cadete
Amigable: MARAVILLAS - CADETE B, o venres 22 de decembro ás 20:15 na Grela 2
Categoría alevín
Segunda Fase da Primeira Comarcal A Coruña, oitavos de final, ida: ÓRDENES A 0 - ALEVÍN A 5 (Pablo, Héctor, Óscar, Dani e Álvaro)
