O Xuíz Único de Competicións non Profesionais da RFEF, Rafael Alonso Martínez, comunicou que as dúas últimas xornadas no grupo 1º de Segunda Federación, correspondentes ao Fabril - Pontevedra CF (domingo 28 de abril) en Abegondo e o Real Oviedo Vetusta - Fabril (domingo 5 de maio), xogaranse en horario unificado ás 12:00 "naqueles encontros cuxos resultados poidan ter transcendencia na determinación dos postos de ascenso directo (1er clasificado), clasificación para o play off de ascenso a Primera Federación (postos 2º ao 5º), participación no Torneo pola Permanencia (13er posto), descenso a Tercera Federación (postos do 14º ao 18º) así como a participación noutras competicións da RFEF".
O filial deportivista marcha actualmente en 10º posición da táboa con 36 puntos e este domingo 7 de abril ás 12:00 visita ao CD Cayón.
