David Mella e Kevin Sánchez están concentrados coa selección española sub-19 con motivo do Mini Torneo Fase Elite que ten lugar en Eslovenia.
A segunda cita para ambos os canteiráns branquiazuis foi hoxe sábado 23 ante Kósovo na localidade de Gornja Radgona.
Os dous foron titulares nun importante triunfo (2-1) que achega ao combinado nacional á Fase Final do Campionato de Europa.
Mella foi substituído no minuto 77 por Cristian Perea e Kevin, no 65 por Assane Diao.
España buscará certificar a súa clasificación o vindeiro martes 26 de marzo ás 12:00 ante Austria na localidade de Gornja Radgona.
O primeiro rival desta competición o pasado mércores foi a anfitrioa Eslovenia nun partido que acabou en igualada (1-1).
Mella, que dispuxo dalgunha das mellores oportunidades do combinado nacional, xogou completo o partido mentres que Kevin Sánchez saltou ao céspede no minuto 72 en substitución do barcelonista Marc Guiu.
O calendario da selección española sub-19, cos resultados dos xa xogados, é o seguinte:
Mércores 20 de marzo ESPAÑA 1 - ESLOVENIA 1
Sábado 23 de marzo ESPAÑA 2 - KÓSOVO 1
Martes 26 de marzo 12:00: AUSTRIA - ESPAÑA, no TSC Trate Gornja Radgona (Gornja Radgona)
Ambos os xogadores regresarán á Coruña ao longo do mércores 27 de marzo. Así pois, foron baixa no partido do Dépor en Majadahonda e o do Fabril en Valladolid.