A área de formación do Real Club Deportivo organizou, por sétima temporada, o concurso de debuxo no que están convidados a participar todos os xogadores do fútbol formativo do Club, desde o Benxamín até o filial deportivista.
No concurso, de temática e técnica libres, houbo, sobre todo, felicitacións do Nadal dos máis pequenos e algún traballo referente á historia do Club e os seus éxitos deportivos, un partido entre papanoeles e o SuperDépor, o bus do Dépor nun globo e o descenso en paracaídas de papanoeles no Estadio ABANCA-RIAZOR e lugares emblemáticos da cidade como a Torre de Hércules e o Millenium, entre outros.
Aye Diop e José Manuel, xogadores do Xuvenil B, foron os encargados de facer entrega aos gañadores e finalistas de diferentes obsequios do Club pola súa participación nesta actividade.
