O Deportivo Abanca comeza mañá martes 21 de febreiro a preparar a visita do Sárdoma CF a Arteixo, prevista para o domingo 26 de febreiro ás 17:00.
Como é habitual, os socios do Deportivo teñen libre acceso ao partido. Para o público, a entrada sénior custa 10 euros; e 3 euros para os menores de 16 anos.
A planificación semanal do conxunto que prepara Manu Sánchez é a seguinte:
Martes 21 de febreiro
20:30: Adestramento en Abegondo
Xoves 23 de febreiro
20:30: Adestramento en Ponte dos Brozos (Arteixo)
Venres 24 de febreiro
19:00: Adestramento en Abegondo
O Deportivo Abanca é segundo na clasificación do grupo 1º de Segunda División Nacional, con 44 puntos, a 7 de distancia do líder, o Oviedo Moderno, que ten 51 puntos.
Sen Tere Abelleira até o xoves
Tere Abelleira, unha das capitás, incorpórase hoxe luns á Selección Española Sub-17 para uns adestramentos na Cidade do Fútbol das Rozas (Madrid), que se prolongarán até o mércores 23 de febreiro.
Desta forma, o Deportivo Abanca suma outra xogadora nas categorías inferiores da Selección Española, posto que esta temporada, Nuria Rábano foi citada en varias ocasións pola Sub-19.
Tere Abelleira, unha das fixas de Manu Sánchez no once inicial deportivista, é tamén habitual na Selección Galega Sub-18, coa que participou recentemente na Segunda Fase do Campeonato de España de Seleccións Territoriais, disputado en Euskadi.
