O Orzán SD Infantil Feminino quedou encadrado no grupo norte da Liga Galega, con estes rivais iniciais: Victoria CF, SCD Pastoriza, Xuventude de Crendes CF, Victoria FC, SCD Milagrosa e ADC Obradoiro.
Na primeira xornada, prevista para esta fin de semana, ao cadro orzanista tócalle descansar. Así pois, debutará na competición na Coruña fronte ao Xuventude de Crendes CF o 30 de outubro, na segunda xornada. A primeira fase finalizará o 19 de febreiro de 2022 de abril en casa ante o SCD Pastoriza.
O formato desta parte inicial da temporada será de liga a dobre volta, cun total de 14 xornadas. Os tres primeiros clasificados pelexarán polo título nunha segunda fase todos contra todos, ida e volta, cos tres primeiros equipos do grupo sur. Serán outras 10 xornadas e respectarase a puntuación da fase inicial.
Os conxuntos que acaben na primeira fase entre o cuarto e o sétimo disputarán o título de Consolación pero só contra eses mesmos clasificados do grupo sur, tamén con ida e volta. En total haberá 8 xornadas e respectarase a puntuación da primeira fase.
O calendario do Orzán SD Infantil Feminino é o seguinte:
| Xornada 1 (23/10/2021) | Xornada 8 (18/12/2021) |
| Descanso | Descanso |
| Xornada 2 (30/10/2021) | Xornada 9 (15/01/2022) |
| Orzán SD Infantil Feminino | Xuventude Crendes CF |
| Xornada 3 (06/11/2021) | Xornada 10 (22/01/2022) |
| Victoria FC | Orzán SD Infantil Feminino |
| Xornada 4 (13/11/2021) | Xornada 11 (29/01/2022) |
| Orzán SD Infantil Feminino | ADC Obradoiro |
| Xornada 5 (20/11/2021) | Xornada 12 (05/02/2022) |
| SDC Milagrosa | Orzán SD Infantil Feminino |
| Xornada 6 (27/11/2021) | Xornada 13 (12/02/2022) |
| Orzán SD Infantil Feminino | Victoria CF |
| Xornada 7 (11/12/2021) | Xornada 14 (19/02/2022) |
| SCD Pastoriza | Orzán SD Infantil Feminino |
En pretemporada desde o mes de agosto
O Orzán SD Infantil Feminino, campión da Liga Galega, adéstrase desde o pasado 25 de agosto baixo a dirección técnica de Óscar Orro, ademais de Diego Sánchez de asistente.
O cadro está formada polas seguintes futbolistas:
-Porteira: Sofía Carregal
-Defensas: Paula Martínez, Candela González, Alexia Freire, Eva Rama, Eva Ouro e Valentina Millón
-Centrocampistas: Yanis Cilora, Emma Gandoy, Candela Fernández, Noela García, Valeria Montero, Carmen Traba, Alba Monteserrín, Sofía Milhem e Inés Fernández
-Dianteiras: Noa Cardeñoso, Lola Nieto, Laura Pérez e Sofía Rodríguez
