Yeremay quere ser máis determinante e máis regular; e Villares fala de bo partido de todos
Yeremay e Diego Villares pasáronse pola sala de prensa del Cerro do Espino.
O atacante canario desvela que na acción do penalti, "onte (polo venres) estabamos a ensaiar e o míster dixo medio de broma 'mañá quen o tira?' E respondín: 'mañá tíroo eu'. Díxeno de broma porque os compañeiros se riron. Ao final fixéronme o penalti, estaba convencido de tiralo. Ademais onte tireino igual. Alberto enfadouse comigo e hoxe ao acabar o partido díxome que 'se o metes igual aquí non pasa nada'. Estou moi contento pola vitoria e polos goles".
Narra así o segundo gol que deixaba sentenciado o partido: "Fago dúas paredes. A última deilla a Barbero, cambio de ritmo e devólvema. Fago un control cara a adiante, voume quedando sen espazo, recorto, volvo recortar e xa cando saio pégolle e por sorte metina".
Yeremay márcase como obxectivo "terminar a temporada da mellor maneira e quero mellorar. É o que tento todos os días porque teño que mellorar moitísimas cousas para ser moito máis determinante e máis regular, que é o que busco para axudar ao equipo".
Preguntado pola ausencia de Lucas, non dubida en cualificalo como "o mellor xogador da categoría e cando non está notámolo. É un xogador, non só no campo senón tamén dentro do vestiario, moi importante. A ver se se recupera pronto e podémolo ter o próximo partido".
Pola súa banda, o capitán Diego Villares advertiu que a Yeremay "o que lle falta é seguir facendo partidos así, ser máis regular. E temos futbolista para moitísimos anos".
Advirte sobre o partido que "vas fóra de ABANCA-RIAZOR, o rival quere sumar de 3 para achegarse ao seu obxectivo e nestas últimas xornadas todo o mundo vai apertar un pouco máis".
Resalta o nivel defensivo do Dépor no Cerro del Espino "salvo algún erro que cometemos na que lle puidemos dar algunha opción a eles. A nivel colectivo foi un moi bo partido de todos".
Queda coa imaxe do estadio rayista, "todo cheo de xente do Dépor. Moitísimas grazas a todos un día máis e esperemos conseguir o obxectivo máis que nada por eles".
Villares admite que tanto Lucas como Mella "son xogadores importantes para nós pero entra outra xente como Davo, Hugo Rama... Xente que está moi preparada, que adestra todas as semanas de p... madre e iso ao equipo dálle ese plus".
